Monday, 24 December 2007

ഗാംഗുലി -സചിന്‍ ,ഒരു ക്രിക്കറ്റ്‌ തമാശ

ഇതൊരു ഭാവന കലര്‍ന്ന തമാശ കഥയാണ്‌ ഗാംഗുലിയും ടെന്‍ഡുല്‍ക്കറും വയസ്സന്‍മാരായപ്പോള്‍ യാദൃശ്ചികമായി ഒരു പാര്‍ക്കില്‍ വച്ച്‌ കണ്ട്‌ മുട്ടി. അപ്പോള്‍ പതിവു കുശലാന്വേഷണങ്ങള്‍ കഴിഞ്ഞ്‌ ഗാംഗുലിയോട്‌ സച്ചിന്‍ ചോദിച്ചു.

"സ്വര്‍ഗ്ഗത്തില്‍ ക്രിക്കറ്റ്‌ കാണുമോ ? "
“അറിയില്ല സച്ചിന്‍! നമുക്കൊരു കണ്ടീഷന്‍ വക്കാം ആദ്യം ഞാന്‍ മരിക്കുകയാണെങ്കില്‍ സ്വര്‍ഗ്ഗത്തിലെ സത്യം ഞാന്‍ ഇവിടെ വന്ന്‌ വെളിപ്പെടുത്താം! അതല്ല സച്ചിനാണ്‌ മരിക്കുന്നതെങ്കില്‍ എന്നോടു വിവരം പറയുമല്ലോ "

സച്ചിനും അത്‌ സ്വീകാര്യമായി, രണ്ട്‌ പേരും ആ ധാരണയോടെ പിരിഞ്ഞു.
കഷ്ടകാലത്തിന്‌ സച്ചിന്‍ ആദ്യം തന്നെ ഭൂമിയോട്‌ വിട പറഞ്ഞു.


ഒരു നാള്‍ ഗാംഗുലി പാര്‍ക്കിലിരുന്നപ്പോള്‍ "സൌരവ്‌ സൌരവ്‌" എന്ന ഒരു അശരീരി കേട്ടു അപ്പോള്‍ ഗാംഗുലി ചോദിച്ചു.
“സച്ചിനല്ലെ, അത്‌ ! സ്വര്‍ഗ്ഗത്തില്‍ ക്രിക്കറ്റ്‌ ഉണ്ടോ സച്ചിന്‍ ?”
ഉടന്‍ വന്നു അശരീരി
"സച്ചിന്‍ തന്നെ. ഒരു സന്തോഷ വാര്‍ത്തയും ദുഃഖവാര്‍ത്തയുമായിട്ടാണ്‌ ഞാന്‍ വന്നിരിക്കുന്നത്‌"
"ആദ്യം സന്തോഷവാര്‍ത്ത പറയൂ സച്ചിന്‍ ?"
ഗാംഗുലിക്ക്‌ ആകാംക്ഷ അടക്കാനായില്ല
"സ്വര്‍ഗ്ഗത്തില്‍ ക്രിക്കറ്റുണ്ട്‌ അതാണ്‌ സന്തോഷ വാര്‍ത്ത "

"അപ്പോള്‍ ദുഃഖവാര്‍ത്തയോ ?"
സച്ചിന്‍ ആശ്വസത്തോടെയും വിഷമത്തോടേയും ഇങ്ങനെ മൊഴിഞ്ഞു.
"അടുത്ത വെള്ളിയാഴ്ച്ച ഇവിടെ ആരംഭിക്കുന്ന മത്സരത്തിലെ ഓപ്പണിംഗ്‌ ബാറ്റ്സ്മാനാണ്‌ സൌരവ്‌ "

3 comments:

ഉപാസന | Upasana said...

എങ്കി ആ ടെസ്റ്റിന് ഗാംഗുലിക്ക് പരിക്കാവും.
ഉരപ്പ്
:)
ഉപാസന

ഷാനവാസ്‌ ഇലിപ്പക്കുളം said...

അതുശരിയല്ല മീനാക്ഷീ, സച്ചിനായിരിക്കില്ല ആദ്യപോവുക ഗാംഗുലിയായിര്‍ക്കും, സച്ചിന്‍ അപ്പോഴും ഇവിടെ അടുത്ത ലോകകപ്പില്‍ മത്സരിക്കാനും,ടെസ്റ്റില്‍ അന്‍പതിനായിരം റണ്‍സ്‌ എടുത്ത്‌ അടുത്ത റിക്കാര്‍ഡ്‌ ഇടാനുമുള്ള തത്രപ്പാടിലുമായിരിക്കും! ക്രിസ്മസ്‌ ആശംസകള്‍!

Neetha said...

valare nannayirikkunnu meenakshi...
gangulikku santhoshavartha santhoshamekumennu thonunnilla!
abhinandhanangal!

LinkWithin

Related Posts with Thumbnails

BUY MALAYALAM KEY BOARD STICKERS